郭柏姸 關楚耀 王浩信 張天穎 現身時裝活動，展示自家時裝品牌嘅服裝。Rosita仲得到 何廣沛 譚嘉儀 李靄璣 到場支持。關楚耀嘅時裝同球館生意近年越做越好，佢仲有意未來衝出香港。
早前Kelvin為《中年好聲音4》十強賽原唱之夜擔任嘉賓，同 周志康 合唱《你當我什麼》成為熱話，更有唔少人到Kelvin嘅社交平台留言，仲有人話細細個就聽佢唱歌，令佢都覺得好開心，感覺對音樂嘅熱情又再重燃，亦好多謝《中聲4》團隊邀請佢上節目。Kelvin上年開始喺大灣區舉行巡唱，而佢都好想搞香港站，所以目前都為呢件事進行籌備。
張天穎 近期推出新歌紀錄成長兼慶祝自己生日，而家再跨界踩入時尚圈。Jamie就話，覺得如果要挑戰行Catwalk嘅話唔難，不過自己好容易笑，如果朋友嚟支持自己，有可能會笑場，同埋擔心唔笑嘅時候睇落較呆。講到新歌，Jamie形容歌曲係一個女仔嘅18歲到28歲嘅成長紀錄，長大並無令原本嘅自己消失，佢亦將呢歌當作係寫俾自己嘅生日禮物。
