鄭伊舞澳門開騷與歌迷猜包剪揼 黃淑蔓重唱經典爆師兄多嘢講

鄭伊健 近日到澳門開騷，唔止大唱經典歌曲，仲喺台上即場同台下歌迷玩包剪揼送禮物，令現場氣氛更加熱烈，玩得非常開心。而今次已經係第三度演出，團隊就將部份歌曲重新編曲，為歌單帶來新鮮感。

今次佢繼續邀請師妹 黃淑蔓 擔任嘉賓，Feanna仲將伊健經典《動地驚天愛戀過》以另一種感覺演繹，令歌曲充滿少女對愛情嘅憧憬。連伊健都大讚同自己嘅表現完全唔同，非常新鮮，仲爆Feanna唔肯唱快歌呀。

而身為師妹嘅佢仲斗膽笑伊健呢晚演出非常多嘢講，同平時表現非常唔同，而伊健就自爆因為唔記得戴隱形眼鏡上台，不過喺睇唔清楚環境下照樣演出喎。