日本女星滿島光今年3月同細佢8年嘅日本名模淺野啟介再婚，之後誕下愛子升格做人母。日前佢產同西島秀俊等出席新戲首映禮，呢次亦係佢產後首度復工。滿島光表示，現階段會以家庭為重，一邊照顧小朋友一邊挑選劇本，而呢次亦係佢同西島秀俊第一次合作。
滿島光同西島秀俊喺戲中飾演關係緊繃嘅拍檔，兩人較多時間都喺喺鏡頭前以角色身份共處，所以呢日單單係同西島一齊企喺台上，就已經令佢覺得好緊張，仲未習慣呢種和睦關係。而西島形容，滿島光本身嘅力量同高度集中力亦感染到佢，所以佢都好感謝滿島光。
電影深討殘障兒童、棄養同家庭救贖等沉重問題，喺發問環節，台下就有一位殘障兒童嘅媽媽被揀中分享觀後感，呢位媽媽更係西島30年嘅影迷，令西島不禁落淚，感謝對方分享經歷，亦形容自己因為角色而得到一道光芒，希望呢一道光可以傳遞到觀眾嘅人生之中。
