蕭敬騰呢日現身一個創作挑戰賽，講到近年AI創作同短劇文化興起，蕭敬騰亦愛上寵物AI短劇，係一個貓擬人化嘅故事，仲話有睇霸道總裁嗰啲題材，見廿幾層樓跳落嚟都冇事。
蕭敬騰咁多年嚟有好多劇本埋身，之不過蕭敬騰揀劇本有原則，老婆兼經理人林有慧（Summer）想佢接戲唔易，皆因搵蕭敬騰都係有啲本色演出，譬如搵佢演歌手、鼓手或結他手，但蕭敬騰希望挑戰反派或男二。
蕭敬騰由剛出道演戲，多年嚟堅持原則，刪走一啲冇必要嘅激情戲，若果要蕭敬騰拍攝，一定要解釋必拍嘅原因。講到王子邱勝翊陷入不倫戀及捲入官非，Summer透露對方目前復出無期，王子仍有好多必須面對嘅問題。
