有「翻版鍾麗淇」之稱嘅2024年屆港姐亞軍兼「最上鏡小姐」 梁嘉莹 不時都會喺社交平台分享生活日常以及靚相，近日佢就喺網上分享一張童年照，寫上「Baby me」，得到網民大讚「由細靚到大」。
從相中可見，童年嘅Emily身穿灰色背心企喺湖邊，一雙大眼睛非常有靈氣，而且臉型尖尖，十足一個公仔一樣精緻又可愛，細個就已經有一副美人相，令網民都紛紛留言稱讚佢好似精靈一樣可愛、細細個已經好靚女。
其實Emily唔只外型靚麗亮眼，佢嘅學歷含金量都好高。佢大學畢業於美國紐約帕森斯設計學院，而早前再取得香港大學市場學碩士學位，絕對係貫徹港姐宗旨：美貌與智慧並重！
