於選秀真人騷《魔音女團》中成團出道嘅女團 MYNT，呢日同 林德信 魏浚笙 等，現身一個Pop-up store宣傳，MYNT成軍日子雖短，但佢哋已經相當受歡迎，嚟日仲有大批fans喺現場等候集郵。
MYNT近日工作不絕，成員 莊子璇 就高呼自己熱愛工作，因為佢話自己係靜唔到落嚟嘅人，所以希望每日都可以有工作，仲話自己最開心係多咗好多同fashion相關嘅活動。而成員 喬美莎 就指自己都做過model嘅工作，所以呢次活動可以行埋catwalk令佢好開心。
之前推出嘅快歌反應熱烈，所以MYNT就打鐵趁熱推出新歌，fans們好快就可以欣賞到佢哋嘅新作，成員 宋宛穎 指新歌係好sweet嘅慢歌，充滿住粉紅泡泡，相信大家聽完都會想談戀愛；倪樂琳 亦指新歌相當sweet，佢呼籲大家要靜下心耹聽佢哋真實嘅歌聲。
而兩年抱兩嘅林德信，二女早前低調出世，Alex就先同二女say sorry，佢話因為大女出世時，自己首次做爸爸，所以咩事都會緊張啲，想紀錄低一切，但到太太懷有二女時，因為有之前嘅經驗，所以重返正常mode，同時亦指係自己懶咗所以少咗紀錄，不過Alex話只要BB同媽媽都健康就OK。Alex又指而家自己負責照顧大女，而細女就由太太照顧。
最近推出新歌嘅Jeffrey，搵嚟唔同好友crossover宣傳，其中一位就係 吳浩康 ，Jeffrey話自己都係聽對方嘅慘情歌長大，當見到真人時，即同Deep投訴對方啲歌好難唱，而身為唱歌老師嘅Deep，就即場故Jeffrey點吸氣去唱歌。
