一周星星・精華丨錢嘉樂與湯盈盈結婚觸發奇想 模擬女兒將來帶伴侶見家長情況

成日都話女兒係爸爸嘅前世情人，與湯盈盈育有兩個愛女嘅錢嘉樂，作客《一周星星》時，就被 王鎮泉 問到，如果阿女有日帶男朋友返屋企見家長，佢會有咩反應？嘉樂就話自己有諗過唔同情況，例如阿女唔係帶男朋友，而係帶女朋友返嚟會點，又或者唔係返個黃種人返嚟，嘉樂指自己已經諗過晒。

myTV SUPER重溫《一周星星》精彩內容

嘉樂指同盈盈結婚當日，見到外父將盈盈交託畀佢當下，自己就已經諗到呢個場景他日自己都要面對。嘉樂又分享一次與老友方平、方中信等飲嘢時發生嘅趣事，當時大家尚未開始飲嘢，方平先叫停大家，話佢囡囡會帶男朋友嚟，所以想一眾好友幫手「盤」下個男仔，後來到方平囡囡結婚，新郎哥仍然係呢個男仔，嘉樂指最深刻嘅係，當時岑建勳同爾冬陞都忍唔住叫方平笑下，嘉樂話當下佢就深深感受到他日到自己都會經歷呢個情景。