盈盈樂樂呢對搞笑又恩愛嘅夫妻接受《一周星星》 王鎮泉 專訪， 錢嘉樂 就重提80年代拍攝《東方禿鷹》時遇到意外被火嚴重燒傷，當時 錢小豪 帶媽媽到菲律賓探病，滿身傷口令佢非常自責，而媽媽以笑帶過更令佢心痛無比。
嘉樂指父母一直都非常支持兄弟兩人拍攝電影，而愛車嘅佢成家後由跑車轉揸七人家庭車，更換來媽媽嘅一個放心微笑。
湯盈盈 就幸好結婚時丈夫已未有再親自挑戰危險動作，不過重溫舊影片時仍會非常擔心。嘉樂仲提到早年雖係「亡命三朗」，不過到後期唔怕死嘅「天份」就突然消失，佢認為係有受嘅人所致嘅改變。
20年前嘅《美女廚房》盈盈廚藝慘不忍睹，不過到2018年再次出現於節目，技巧就絕對脫胎換骨，更被名廚俾出10分滿分。好友 姚樂怡 就直指盈盈係以愛而投入學習廚藝，嘉樂就非常感謝佢為家庭投入付出喇。
《一周星星》星期日晚 21:30 翡翠台