今年9月12號係「哥哥」張國榮嘅70歲誕辰。早於2024年開始，世界各地「哥」迷紛紛規劃在此重要日子親臨香港，於「哥哥」成長地表達深切思念。陳淑芬（陳太）聯同各方籌劃一連串紀念活動，務求讓所有寵愛張國榮嘅「哥」迷有一個充實而豐富的紀念之旅，已策劃五項涵蓋音樂、文化與沉浸式體驗嘅大型紀念活動。
全新致敬單曲《7o Leslie with Love》，已於9月7號上架，呢首獻畀「哥哥」70誕辰嘅歌，特別邀請鍾鎮濤（B哥哥）女兒鍾懿獻聲，陳太透露：「十年前《Dear Leslie》邀請古巨基主唱，今次想找一把聲音，希望對方與Leslie有關聯。」 Leslie生前與B哥哥交情深厚，而鍾懿自細跟隨父親登台，對舞台並不陌生，大家對鍾懿嘅歌聲青睞有加，主辦方慶幸搵到鍾懿演繹呢首歌送畀Leslie。
呢首獻畀「哥哥」70誕辰嘅歌，製作充滿誠意，統籌及概念來自陳淑芬，《Dear Leslie》創作班底——劉宏基作曲，陳少琪作詞及監製，由鋼琴演奏家張貝芝編曲。北京愛樂樂團演奏弦樂，混音及母帶處理更特別喺日本完成。
