戲劇大師 鍾景輝 博士於6月離世，為緬懷King Sir精彩嘅藝術人生，早前香港演藝學院就舉行咗為期五日嘅紀念展覽，完成首展後，展覽又移師到西九戲曲中心舉行。呢日喺展覽開幕典禮上，唔少圈中朋友都有現身支持，好似 汪明荃 、 佘詩曼 、 林保怡 、 邵美琪Maggie 、 滕麗名 、 謝君豪 、 龔慈恩 、 梅小青夫婦 、 姜晧文 、 江美儀 同埋 張錦程 等，而King Sir嘅學生 王祖藍 同 蘇玉華 更擔任典禮司儀，至於Liza姐同謝君豪就有上台分享感受。
曾經同King Sir合作過劇集《火舞黃沙》嘅阿佘同林保怡，呢日亦有勾起好多難忘回憶，尤其當時去拍攝地，仲要經過沙漠，雖然路途艱辛，但係King Sir都無怨言，仲好享受拍攝過程添。
至於Maggie當年就同King sir合作過劇集口《跨世代》，佢話同King sir合作都有壓力，而佢嗰股氣場亦都好勁，令佢都唔太敢同佢講嘢騷擾佢呀。
除咗King Sir嘅離開令人惋惜之外，早前另一位資深演員兼舞蹈大師Ming Sir劉兆銘亦都離世，而當年Ming Sir亦曾讚揚過Liza姐極具舞蹈天份，可惜Liza姐話自己當年工作太忙，加上年紀都大，所以就無向呢個方向發展。
