陳曉華噚日（7號）宣傳新劇《死有對証》時，就將自己三年前嘅包包面拎出嚟笑，仲被阮浩棕笑佢似「姆明」咁可愛，其實人越大就越懂得提升自己嘅優點同美，正如同樣有份參演《死有對証》嘅吳若希一樣。
《死有對証》立志加入法醫科
吳若希喺社交平台分享三年前拍攝《死有對証》時嘅劇照，再同而家參與處境劇《愛．回家之三代同糖》嘅相片作對照，吳若希話最驚嘅嘢就係容貎差距太太，仲反問點「解嗰陣時我塊面可以咁圓？個樣可以咁腫！why？呢三年我究竟經歷咗啲咩？係咪真係咁攰？」
吳若希開玩笑自嘲，其實最令吳若希開心，應該係兩線劇都有佢參與嘅作品同步播出，呢樣先係佢最意想不到嘅收穫。
