袁詠儀、余香凝、狄龍、米雪主演嘅電影新作上月尾終於殺青，劇組日前相約一齊舉行慰勞宴，好好答謝一班勞苦功高嘅台前幕後，監製伍健雄同兩位影后更即場大派利是同進行大抽獎，現場氣氛熱烈。
當中余香凝抽中獎金後，即興自掏腰包，將獎金加碼回饋團隊，令現場氣氛更加高漲。狄龍太太陶敏明亦係幸運兒之一，由靚靚親手頒發獎金。正如余香凝開鏡時所言，靚靚係完全無架子，令佢拍攝時非常投入同順利，而經過今次合作，兩人更建立一份友誼，慰榮宴上更開心到不時攬頭攬頸。
電影喺七至八月期間拍攝，過程中經常遇到打風下雨，令拍攝進度受到影響，幸好劇組迎難以上，一齊克服問題而順利完成。
