《中年好聲音4》賽事圓滿結束，肥媽一如以往，準備大餐宴請一眾台前幕後慶功，為咗賽事而忍口嘅中4生，今次終於解封，盡情大解放去大吃大喝，其實大家見到尤淑情修身成功，原來修身王者係雷小雷，前後瘦咗廿多磅，吳亦偉都靠做運動及節食減咗廿磅。
唔只中聲4唱將努力修身，肥媽近日好落力喺屋企做運動減磅，經已減咗七磅，連周國豐都話睇得出肥媽嘅成果。
一眾評審同車婉婉合作無間，周國豐提議大家跟肥媽開個飲食節目，一來可以繼續合作，二來可以繼續品嚐肥媽美食，婉婉贊成：「肥媽話開心又要食，唔開心又要食，悶又要食，唔悶都要食。」
