林凱恩 同淡出娛樂圈多時嘅 郭嘉文 因2015年參選港姐認識成為好友，不過郭嘉文喺2016年被影到同李澤楷同遊東京成為「千億女友」後，就開始淡出幕前，近年亦甚少更新社交平台。
近日Iris喺社交平台分享一輯慶生照，相中人唔只有鄺潔楹，仲有神隱遠離公眾視線嘅郭嘉文！從相中可見，郭嘉文身穿白色上衣，化淡妝，保養得宜，而Iris同佢同屬八月壽星，至於Judy就係7月生日，三位感情極好，仲攬埋好似糖癡豆咁。
Iris亦寫下：「Autumn vibes🍁 & Birthday smiles. 愛對了人，每天都是生日快樂🎂💕長大後才明白，時間是最奢侈的東西，能見面，就是一種幸福✨」可見佢都好享受同兩位好朋友一齊姊妹聚會！
至於郭嘉文從2021年開始就多次傳出同李澤楷分手，皆因郭嘉文喺分訊傳出後分享疑似情傷語句，社交平台簡介亦重新加上工作電郵，近年兩人未有同框出現，郭嘉文更經常同閏密Iris聚會。不過郭嘉文未公開回應過，感情狀況至今成謎。
