蔡依林、劉亦菲、吳磊日前現身一個珠寶品牌發布會，品牌好友劉嘉玲就以一身黑色Deep V裙亮相，嘉玲姐所配戴嘅綠寶石頸鏈亦盡顯雍容華貴一面。嘉玲姐透露，自己呢段時間好鍾意綠寶石，因為綠寶石好似吸收咗大自然日月精華，令佢都好似同樣吸收到日月精華。
Jolin作為時尚Icon，經常留意潮流變化，平時亦經常參與唔同嘅時尚活動。對Jolin嚟講，珠寶除咗係時尚配件，更加係藝術品，所以佢都話自己非常期待每次見到珠寶藝術家會點樣發揮唔同主題，呢次好似嚟到一個藝術展，同睇畫一樣。
劉亦菲早前先去完米蘭出席品牌大騷，呢日返到主場上海，心情輕鬆唔少。亦菲就話，米蘭有一種古典古堡氣氛，而返到上海就更加親切，因為上海係一座摩登又古典又現代嘅潮流城市。
吳磊一身打扮官仔骨骨，佢透露目前忙住拍攝，然後養精蓄銳，亦有同朋友見面。
