陳自瑤同朱敏瀚9月初到澳洲悉尼出席慈善晚宴，二人喺晚宴上表現親民，同當地粉絲近距離互動，又上台獻唱。翌日佢哋盛裝出席中秋嘉年華，提早同當地民眾慶團圓。
《約埋班Friend去旅行》星級老友四圍玩
朱仔以一身白馬王子造型再度高歌，佢話三年前曾經嚟過悉尼拍攝《約埋班Friend去旅行》，一直對悉尼感覺好好，今次行程仲有機會接觸好多當地華人。Yoyo話自己廿年前嚟過悉尼工作，如果有機會嘅話，佢想好好去感受吓呢個城市。
除咗出席公開活動，朱仔同Yoyo仲抽時間去探訪當地老人院，同一班長者唱吓歌傾吓偈。完咗今次澳洲行，朱仔預告會同好兄弟周嘉洛飛去韓國十日拍旅遊節目。Yoyo喺三月時於廣州舉行音樂會，佢話唔少粉絲都問佢幾時再開騷，佢都希望再有機會到唔同城市獻唱。
