陳曉華同韋家雄喺TVB劇集《死有對証》飾演兩師徒關係，韋家雄經常用啲好嚴厲嘅口吻同Hera對談，令兩人產生咗種惡得嚟又幾搞笑嘅場面。 呢集法醫初哥Hera終於有機會跟師傅外勤直擊案發現場，出發途中去到現場Hera都不斷發問，搞到韋家雄都好唔耐煩。
《死有對証》好學法醫初哥
雖然戲內兩師徒話不投機，但鏡頭後韋家雄同Hera實情乜都笑一餐，同劇組關係融洽，拍攝呢場戲當日，Hera坦承常被韋家雄鬧，但佢一啲都唔驚，反而被鬧得好開心，仲話呢啲先係愛呀﹗
劇中Hera陸續會有驗屍場口，韋家雄對住鏡頭搞笑話Hera喺25集後就會參與驗屍，其實25集已經大結局，Hera已習以為常，二人對答場面搞笑。
