佘詩曼呼籲勤驗身勿諱疾忌醫 放慢工作腳步陪媽咪享受生活

佘詩曼以粉紅大使身份，出席一個關於乳癌嘅活動，呼籲大家要愛惜自己，定期做檢查，千祈唔好諱疾忌醫，佢覺得特別係男士，當發現身體出毛病，永遠選擇拖字訣。阿佘覺得及早求醫同接受治療，先係正確愛惜自己嘅方法。

除咗經常做健康檢查之外，阿佘今年會喺工作上放慢腳步，享受生活兼多啲陪媽媽，上個月佢就帶媽咪去睇古天樂演唱會，佢話媽媽雖然唔識啲歌，但被現場開心氣氛感染。講到重播《十月初五的月光》，阿佘話個劇本好正，經已翻睇過好多次。