張柏芝面對困難用瞓覺解決 向女性寄語勿忘自身力量

張柏芝、宋佳、沈羽潔現身北京一個品牌活動，柏芝一身白色套裝打扮盡顯成熟魅力。柏芝喺活動上分享，自己每當遇到困難，就會用瞓覺解決，因為瞓醒一覺就好似一切重啟，可以重新嚟過，呢個方式亦係最簡單嘅減壓方式。

柏芝仲話自己永遠覺得每一日都有奇跡或者好有意義，所以佢嘅心得係今日過得再好啲，再開心啲，會慢慢成長。

柏芝近年頻頻參與內地綜藝節目，吸納唔少女Fans，佢亦向各位女性送上寄語，鼓勵大家唔好忘記自身擁有嘅力量好強大，如果將呢份力量發光發熱，會活得好開心，好似有一道光包圍自己一樣。