鄧紫棋 G.E.M. 嘅《I AM GLORIA》世界巡迴演唱會尾站正於深圳舉行，呢次由2024年開始，分別於內地多個城市，以及英法美加等地舉行嘅演出終於迎來最終章，G.E.M.於9月11日深圳站首場，就為歌迷獻上一個重量級驚喜，首次演唱全新專輯歌曲〈自由的你〉。
身為「全球體育場演出紀錄最高的女歌手」保持者嘅G.E.M.，雖然即將完成世界巡演，尾站深圳更已係今次巡迴嘅第171場，佢首次唱出從未公開歌曲〈自由的你〉令現場歌迷驚喜萬分，佢送俾大家嘅「尾站彩蛋」，令大家對新專輯高度期待。
新歌所指嘅「自由」，唔止係關於個人選擇，而係指向身處AI時代，人類自由意志會否被AI左右？新歌由《I AM GLORIA》嘅「I AM」，到〈自由的你〉嘅「YOU」，G.E.M.再次用音樂表達對時代嘅觀察。
