裕美 呢日以一襲中空火紅色裙現身一日店長活動，同男友 林作 拍拖已8年嘅佢，呢日就提到兩人相處方式，未特別對結婚有計畫，仲話兩人有共識未想要小朋友，所以認為結婚與否冇太大分別。
佢又話曾討論如果真係有下一代，喜愛烹飪嘅林作已決定自己要擔任家庭煮夫一職，不過自己就擔心男友打理家事嘅能力咁話喇。
早前林作因JPEX案被捕，事後亦被落案起訴，9月17號再訊，呢日裕美就指官司估計仍需一段時間，更認為女性有自己事業非常重要呀。
而曾爆出早年曾獲邀三千萬為富商生仔嘅佢，呢日再提及「邀約」，就指通常呢類邀請都似係騙局咁話喇。