梁詠琪（Gigi）嚟緊十一月將舉行入行30年紅館個唱，日前佢喺北京完成廿六場話劇演出，尾場謝幕一刻，全場掌聲如雷，Gigi百感交集一度哽咽，覺得時間真係過得好快，諗起自己三個幾月前執行李就出發去上海排戲。
Gigi坦言演出26場係一個好大挑戰，面對咁多台詞同走位，開頭係唔相信自己可以做到，今次成就解鎖，Gigi靠每日勤力去背台詞、記走位就搞掂，Gigi話演到後尾已經好自然，好似返工打卡咁，每日化妝、食飯後就上場。
Gigi呢次演技大爆發，挑戰演一位平凡都市女性，既要面對婚姻危機，又要面對育兒重擔，將角色演繹得淋漓盡致，Gigi話睇劇本時已被深深打動，角色講出好多女性喺生活上，面對好多困境，有啲講唔到出嚟、有啲走唔到出嚟，覺得呢個世界上，許多女性係要有勇氣，需要打開呢對門行出嚟，呢一場戲係好觸動到佢。