草蜢巡演一向以勁歌熱舞，帶動全場氣氛，早前完成大馬站演出，全場座無虛席，觀眾反應非常熱烈，三子傾力跳唱，令歌迷齊齊舞動。
草蜢每次開騷，觀眾都熱情狂嗌encore唔肯離場，一向寵粉嘅草蜢亦盡力滿足歌迷，繼續獻唱冧歌迷。蔡一傑大讚觀眾反應真係冇得頂，全場歌迷畀到草蜢好大力量，令三子覺得好興奮去唱，整個感覺好似一個大型派對，整體感覺好正！
草蜢開騷前要節食忍口，三子都好想嘆地道美食，完騷就可以放肆一下，蘇志威好想食榴槤，為咗把聲唔上火，佢一直忍口唔食住，蔡一智同蘇志威等到慶功宴後就要勤食，仲話主辦方已準備整箱榴槤同山竹，即場開榴槤，讓dancer同幕後工作享用任食。
