「舞台王者」 郭富城 近日於馬來西亞舉行巡迴演唱會，現場氣氛熾熱，城城更繼續展現超凡舞技，帶來多首勁歌熱舞。
而一如以往嘅演唱會互動環節中，城城繼續點名台下觀眾齊齊跳《Baby Shark》舞步，即場示範同傳授動作。而其中一位被點中嘅幸運歌迷非常面熟，原來正係《中年好聲音4》嘅大馬冠軍 尹景順 ，正回鄉休假嘅景順然被「天王點名」，顯得既驚喜又略為靦腆。
雖然只係即場簡單學藝，但景順就展現出極佳節奏感同舞蹈天賦，現場影片可見，佢同郭富城隔空合跳，表現相當不俗，贏得全場掌聲！跳完後城城仲大讚：「Very good Eugene, thank you！」。
