生日快樂！今日（13號）係天后 陳慧琳 嘅54歲生日，一向貼地嘅Kelly選擇喺餐廳食晚餐慶祝，平日嚴格控制自己飲食嘅Kelly，嚟到開心嘅日子，當然要食餐好嘅慶祝吓，佢眼見面前嘅美味甜品，Kelly經已急不及待想食喇。
Kelly眼中一見甜品就雙眼發光，完全無視旁邊已點起嘅蠟燭，當佢心急想即刻食一啖時，右手就被蠟燭火焰燙傷，不過Kelly完全無視手指被薰黑，只係一心想盡快將甜品送入口中，仲要身邊朋友提醒先記得吹蠟燭許願。當一齊做妥之後，Kelly一就急急品嚐美味甜品蛋糕，再展露一個有如小朋友一樣嘅滿足笑容。Kelly除咗凍齡嘅美貎，其實心底嗰份一直無變嘅純真嘅心，先係最值得大家學習同珍惜。
