林盛斌 同細細粒 陳嘉佳 作客節目《一周星星》接受主播 王鎮泉 訪問。阿Bob為咗事業拼搏多年，難免少咗時間陪伴家人，育有三女一子嘅佢，深明事業同家庭時間難以兩兼顧，而阿仔仲話爸爸成日都顧住瞓，最想做到嘅事係一家人入戲院睇戲。阿Bob話四名仔女中，仔仔已經係佢陪得最多，因為女兒們已經長大，有自己生活圈子。
講到三位女兒最想佢今年改進嘅係乜時？阿Bob就毫無頭緒，三女喺片中希望爸爸唔好再沉迷炒卡。阿Bob解釋當初諗住同阿仔有共同親自話題，所以陪阿仔炒卡，點知漸漸變成自己沉迷。細細粒即追問阿Bob用幾多錢買卡時？阿Bob完全唔敢正面回應，只表示費用足夠喺酒店食兩個月晚餐，保守估計都有百萬投資。