江美儀、張振朗及吳業坤（坤哥）主持TVB節目《試真D唷》，最新播出嗰集坤哥化身特派專員，親身去台南一間極多負評嘅平價旅館考察，坤哥奉命為觀眾揭開呢個神秘面紗，一進房便驚見有小強「迎賓」，床上更發現「QQ毛髮」，除咗試伏體驗之外，台南美食眾多，今集介紹嘅豬油撈飯，讓眾人入口瞬間雙眼發光。
myTV SUPER《試真D唷》新奇體驗
特派員坤哥親身實測去旅館，進店已聞到濃烈陳年氣味，一入房驚見半透明嘅幼蟲出沒，床單更有疑似遺留嘅毛髮，坤哥奉命行去浴室，立即聞到潮濕異味，座廁旁發現濕完水後再風乾嘅廁紙，坤哥拎起一對疑似發霉嘅綠色拖鞋，已聞到惡臭，坤哥因強烈異味而連續作嘔，直接落荒而逃。
網民對於呢集坤哥認為真實反胃嘅表情，綜藝感十足，同時達到幫觀眾篩選「避雷」嘅效果，三位主持仲介紹必吃「銅板美食」豬油拌飯，張振朗第一次品嚐 ，入口瞬間雙眼發光，美儀姐試味亦一臉滿足，美儀姐噚日喺社交平台上載影片並寫道：「你哋睇咗未呀？今集嘅豬油撈飯，燒飯糰加埋海膽生牛肉，好好食！」就知佢有幾咁回味啦！
