張與辰呢日現身一間小學代表佢設計嘅「蒼蠅」IP公仔，捐出助學金予黃大仙區內學童，希望基層學童得到資助後可以追夢，傳揚愛與希望。
與辰話「花啦啦 」收到好多利是，想將大家畀佢嘅愛同獎勵，化作幫助其他小朋友嘅鼓勵，又指「花啦啦」基金不斷成長，計劃下次幫忙到更多唔同地區嘅小朋友。
與辰再次踏足小學，見到一班笑容燦爛嘅學生，與辰勾起好多讀書時嘅快樂回憶，坦言小朋友冇乜煩惱，自己細個嗰陣貪玩又百厭，但自己擁有快樂童年，以前有參加讀故事比賽、演講比賽等，以及同音樂有關嘅活動，與辰當年都第一個舉手參與，好珍惜上台演出嘅機會。
