熱播劇《死有對証》嘅演員呢日一齊現身宣傳活動， 陳曉華 馬貫東 韋家雄 呢個鐵三角同其他拍檔一齊出動，而近日宣佈定婚嘅 王菲 仲教大家做瑜伽，人逢喜事嘅佢示範時非常養眼，不過柔軟度麻麻嘅韋家雄就跟唔上，仲一直話太養眼唔知點算呀。
事後鐵三角受訪時，仲笑Hera角色不時激到佢要拉筋冷靜，又指Hera直場一字馬不得了。露晒背嘅Hera就笑言近日正拍動作新劇，不時都要拉筋所以非常輕鬆咁話。
劇中不時舌劍唇槍嘅呢對師徒，呢日訪問繼續互窒，家雄仲指傳聞徒弟演戲麻麻，不過呢次合作先發現輕敵，可以話另眼相看，更大讚演出非常可愛呀。而阿東亦指同家雄合作，直情係最好學習機會呀。
而KT 唐嘉麟 同 陳熹潼 劇中不時要同屍體「對戲」，搞到觀眾都希望佢兩位有感情線發展，不過呢日佢哋就直指兩人無可能，KT仲爆自製暗戀Hera嘅小劇場呀。
《死有對証》星期一至五晚 20:30 翡翠台