金牌監製夫婦 劉家豪 同 梅小青 年青雙雙由電視製作崗位退休，不時弄孫同四圍遊歷為樂，生活非常愜意。兩人相交相知多年，多年來一直恩愛如初，近日仲獲多名好友安排派對，為家豪哥同小青姐慶祝結婚45周年，非常溫馨甜蜜。
相片可見謝雪心 羅霖 蔣祖曼 張頴康夫婦 樂瞳 楊梓菁 林至昭 等圈中人都有參與派對，加上其他好友數十人齊齊為呢對圈中模範夫妻慶祝藍寶石婚，除咗數之不盡嘅美食之外，現場仲由老友分別準備多個蛋糕，為月底生日嘅小青組預祝，認真係雙喜臨門。
而小青姐仲鬼馬指，其實係好友為佢提早舉辦生日會，一向心思細密嘅小青姐，就秘密設計一個武安候蛋糕，同老公家豪哥慶祝45周年藍寶石婚；因為覺得生日可以一個人慶祝，但結婚周年就要夫妻兩人先會成事🥰，佢話：「尤其係兩個共同行業嘅人，各有堅持同特性，走到45周年真係不容易💞」，真係甜到爆炸，非常值得大家借鏡呀。
