夏韶聲堅持純手繪創作慢工出細貨 忙完新書宣傳盼放長假陪孫仔

資深音樂人夏韶聲對外星人及UFO探究充滿熱情之外，仲係一位超過30年資歷嘅漫畫家，夏韶聲呢日為自己創作系列漫畫最新一集舉行簽書會，用咗一年幾時間再推出漫畫集，因佢堅持每一筆都要手繪，冇經電腦同AI，慢工出細貨呀！

夏韶聲今次唔只出書，仲作咗首歌，但官方MV視頻就將啲手繪圖案透過AI技術進行輔助製作，書就一定係手繪創作，夏韶聲話音樂作品貴精不貴多，要累積足夠靈感再出歌。

夏韶聲去年開紅館騷，今年與意大利鋼琴家合作舉辦音樂會，工作安排得非常緊湊。夏韶聲計劃忙完漫畫宣傳，就放大假陪吓孫仔。