陳曉華 近日現身一個時尚活動，近年Hera嘅打扮非常有女人味，服飾亦開始趨向較大膽，Hera就話自己一直都鍾意鬆身衫打扮，近呢幾年衣櫃一件貼身衫都冇，係今年開始先開始買，而大家亦發現咁樣著係靚嘅，所以Hera就有膽再唔同款式配搭。Hera仲話，大部分嘅衫進行配搭後都會將缺點收埋，突顯優點！
Hera喺服飾妝扮上嘅改變，令佢聽到更多欣賞嘅聲音，所以令佢更有毅力鍛錬體態，開始練腹肌同肩膀位置線條，令自己可以著多啲靚衫。最近Hera喺社交平台分享一輯不失健康美嘅性感相，佢就話輯相其實係一年前影，而當時係用咗唔健康嘅方式節食、瘋狂做運動，但而家減肥就採取健康嘅飲食同運動方式。
Hera日前出席宣傳活動時，遇到情緒激動嘅圍觀者，不過Hera嘅冷靜反應，獲網民讚處理得宜。佢就分享話當時希望事件可以平息，最重要係大家唔好受傷、大家安全。Hera仲話呢段時間拍攝新劇《驅魔速遞》，出嚟見大家嘅時間都非常少，所以都好珍惜每次同大家見面嘅機會。
