好快就生日嘅 林智樂 ，日前獲一眾Fans為佢提早慶祝迎接23歲，已經第6年同大家一齊慶祝嘅佢，就話非常感恩又珍惜喇。原本Fans們希望圓佢心願於連鎖快餐店舉行生日會，不過因為冇辦法安排唱歌同採訪而無奈作罷，不過Felix就話一定要搵機會搞一次喇。
Felix又話希望新一年可以推出更多歌曲，亦有更多機會同觀眾見面，而好快推出新作品嘅佢，仲話不論班底同錄音室，都令佢對呢次合作極之期待。
早前佢同吳若希出埠參加音樂節，呢次戶外於海傍演出，就令Felix非常回味，於沙灘表演非常好玩又享受，而之後又會到唔同城市表演，雖然非常期待唔同美食，不過就要忍口以免變用仔喇。
