近年轉形投入職業籃球推廣嘅台灣藝人「黑人」陳建州 ，星期一突然傳出因心肌梗塞被緊急送往醫院，又被安排緊急接受手術。綜合當地傳媒報道指，黑人送院檢查時發現心臟有血管堵塞情況達90％，幸即時接受導管手術同安裝支架，之後被轉往深切治療部觀察。
到深夜時份，黑人於社交平台報平安寫道：一切平安，感謝大家的關心～特別感謝台大醫院專業又迅速的治療與照顧！謝謝我的家人和朋友們第一時間的關心。抱歉讓大家擔心了，我會好好照顧自己，盡快回到自己的崗位上！Thanks for everything。
據指黑人傍晚觀賞籃球賽時突感不適，經隊醫初步觀察建建議佢睇醫生。原本以為只係小問題嘅佢，更自已揸車往診所，而醫生發現情況危急，即時將佢緊急轉送醫院。而佢正錄製新歌嘅 范瑋琪 接獲消息更嚇到驚慌失措大哭，之後即時趕赴醫院。
據指手術耗時唔夠一小時，台媒指范瑋琪透露，黑人過往並無心臟病紀錄，但呢次發現「主要血管已嚴重堵塞高達90%」。佢又提到黑人原本計畫飛往名古屋商討賽事合作，不過被佢勸止，仲話：「好險他沒有去，不然他就會像熙媛（大S）一樣⋯真的嚇死我了！」。夫婦兩人近年發展普通，黑人年前捲入「Me Too」事年，隨後專注發展職業籃球比賽；而范瑋琪經歷失言同各界爭議後，最近逐步重拾唱歌唱同演出會演出，夫妻倆近年都相對低調，專注個人發展同家庭生活。
