黃嘉雯 近日喺熱播劇《死有對証》以柔弱孤女大反轉，變成恐怖殺人犯嘅角色令觀眾眼前為之一亮，一改大家對佢嘅乖女印象，Carmaney都講過呢個角色係佢入行以嚟最有挑戰性嘅一個。
而Carmaney最近就趁假期，同朋友一齊去東非嘅坦桑尼亞旅行，唔只分享OOTD變裝，仲坐吉普車喺國家公園同圍Safari睇獅子、長頸鹿、斑馬等野生動物。
Carmaney仲拍片喺社交平台分享呢個難忘時刻，仲以經典動畫《獅子王》嘅主題曲《Hakuna matata》歌詞表示自己心情，向大家分享要做到「Hakuna matata」嘅無憂無慮生活哲學，整段旅程都係「Hakuna matata」態度。
除咗野生動物，Carmaney同友人亦有感受當地文化，同當地導遊以及團友飲香檳圍住火堆跳舞，Carmaney仲被兩個人抬起，大家都玩得非常開心！
