熱播劇《死有對証》劇情發展精彩， 吳若希 喺劇中飾演港聞記者單佩嘉，為咗唔想跑突發新聞就日日着高踭鞋返工，點知就避無可避，要單人匹馬落場跑新聞，最後出師不利之餘仲拗柴收場。
Jinny完成呢場戲嘅拍攝後都話好滿意，更笑指呢次係自己第一次拍「大型動作片」，又話自己十歲開始練習拗柴，原來練習拗柴真係可以喺拍攝時派上用場，所以就算自己隻腳拗到好誇張，但係都感覺良好，而且畫面都好有效果，所以佢都覺得拍攝好順利。
而 陳曉華 飾演法醫程芷昕，喺一場豪宅發現屍體嘅戲份，係佢第一次冇師父帶領下，自己一個現場檢驗屍體情況同尋找線索，所以對佢嚟講都係一個好特別嘅場口，加上角色性格本身就大膽，所以唔會驚，而且可以做到獨當一面。
《死有對証》星期一至五晚 20:30 翡翠台