下星期就係中秋節，呢日TVB愛心義工隊同多位藝員包括 薛家燕 羅樂林 阮浩棕 劉威煌 梁浩賢 林思彤 同大批長者提早過節，更向一班老友記派福袋又同大家玩遊戲，而其中一位94歲嘅哥哥仔，仲同家燕姐一齊起舞，活力爆棚。
家燕姐又提到中秋將約齊家人一齊做節，仲話已為孫仔準備好燈籠喇。「大龍生」雖然由接龍集團退位，不過呢幾個月假期佢就話非常滿足，身體依然強壯嘅佢，仲口述趁假期將唔同已過期嘅證件全部更新，仲要忙住處理屋企大小事呀。
至於幾位《中聲》唱將朋友，就主力為各位老友記獻唱，大家聽到唔少老歌都非常投入呀。之後仲話希望有更多機會為老友記提供娛樂，非常高興呀。
