「慈善女皇」 趙曾學韞 一向對行善不遺餘力，嚟緊佢將會舉行一個慈善展覽，展出約80尊由名人、藝人同藝術家創作嘅彩繪象雕塑。趙太更邀請佘詩曼、肥媽、溫碧霞、車婉婉等藝人，發揮佢哋嘅藝術天份，創作獨一無二嘅作品。
Maria Cordero就分享自己嘅創作靈感，係源於自己最愛嘅大家庭，所以佢選擇唔用髹油，揀用17個唔同嘅喜字去畫，加上自己，一共有18個喜字喺大象身上。
呢次Irene為一大一細嘅吉祥象畫上心形、蝴蝶同昆蟲等正能量嘅圖案，Irene話趙太樂於行善嘅精神，絕對深深影響自己，而且可以幫人係一件好開心嘅事，向需要愛嘅人付出愛，亦好有滿足感。至於趙太就介紹話，展覽嘅構思靈感已經喺兩年前有一個雛型，大象代表爸爸媽媽，係賺錢吸水能力，而小象要識得花錢。因為以前嘅諗法都係老人家勤力搵錢，都係只為養家。
婉婉同趙太相識多年，佢話好敬佩趙太多年嚟不遺餘力推動各項慈善工作。婉婉分享嘅設計靈感源於想為大家送上暖意同甜意，就好似佢所拍攝嘅處境劇《愛．回家之三代同糖》一樣，所以畫咗好多唔同嘅糖果喺象身上。
