由蕭正楠、曹永廉 及 何廣沛 主演嘅穿越喜劇《超時空男臣》，喺2017年播出時深受觀眾喜愛，三位男臣更憑此劇奪得《萬千星輝頒獎典禮2017》嘅「最受歡迎電視拍檔」獎項。
myTV SUPER重溫《超時空男臣》爆笑穿越之旅
唐嘉麟KT於 16號就喺限時動態PO出一段短片，片中除咗晒出《超時空男臣 貳》第15集嘅劇本外，KT仲寫住「新劇造型日」，並tag埋 崔錦棠 同 邵卓堯 ，即令網民為之興奮，期待可以快啲再睇到三位男臣合體演出。
之前 冼靖峰 曾喺訪問中透露將會參演一部喜劇，而 陳瀅 亦曾表示9月將返TVB拍劇，所以唔少網民都猜測佢哋都有份演出《超時空男臣 貳》。
