黃翠如同孫慧雪作客由賴慰玲（Winki）主持新節目《健康誠諾書》，三位靚媽坐埋一齊就傾到雞啄唔斷，Winki笑言呢個節目主持好好做，只係講咗一個話題，兩位嘉賓就講唔停，而呢集題目係講健康問題，阿雪同翠如都話有好多呢方面經驗。
myTV SUPER重溫《健康誠諾書》關注健康問題
不論鏡頭前定鏡頭後，三位傾到欲罷不能，Winki同阿雪都育有兩子，喺讀書同湊仔方面有好多經驗向新手媽媽翠如分享，而翠如就真係一見到兩位就問讀書求學問題，Winki話有媽咪級嘅朋友係好重要。
翠如一向好有計劃，佢超前部署好嘅安排畀寶貝仔「蕭哈哈」，例如醫療保障，令仔仔將來可以揀選想要嘅醫療方案。
