王鎮泉 Jeoffrey 每星期為你提供最熱辣電影資訊，中外猛片專訪花絮上映時間全部集齊。泉叔今個禮拜講到距離《復仇者聯盟5》上畫仲有幾個月，對於MCU未來發展嘅討論依然無停過，最近有指Marvel已同The Rock Dwayne Johnson傾緊加盟，希望佢可以加入新版X-men系列播。
據知The Rock若真係答應，將會飾演天啟呢個經典大反派，而且分分鐘仲會係接棒末日博士，成為下一任嘅魔王級Boss，同一眾MCU英雄對立。
另外，呢個禮拜由Nicole Kidman同Sandra Bullock主演嘅《巫法闖情關：魔女秘密》登上北美票房冠軍，成功踢走《蜘蛛俠：英雄重生》，終止咗蜘蛛俠六連霸嘅紀錄呀。不過蜘蛛仔Tom Holland同時憑住最近嘅《奧德賽》同《蜘蛛俠：英雄重生》，成功攞到全球影史上票房最高嘅演員，目前已經有155億美元，超越咗Zoe Saldana嘅154.6億美元紀錄呀。
本周電影新片速遞
《生化危機》一名醫務速遞員拜仁喺一個平凡到無得再平凡嘅夜晚，意外捲入一場令整個城市崩潰嘅恐怖浩劫。喺失去法律同秩序嘅混亂夜晚，佢必須喺喪屍同生化怪物橫行嘅圍城中展開一場永無止境嘅生存賽跑。
《SAKAMOTO DAYS 坂本日常》曾被譽為史上最強殺手嘅坂本太郎，墮入愛河後金盆洗手，隱退江湖。結婚生仔後經營住一間便利店，而且仲發福唔少，點知坂本突然被懸紅10億追殺，各方殺手蜂擁而至。為咗守護摯愛嘅家人同平靜嘅日常，佢必須貫徹唔殺人嘅信念，同敵人展開一場生死搏鬥！
香港票房龍虎榜截至9月16號中午，第1位《歡迎來龍餐館》、第2位《HOPE：逆襲希望港》、第3位《命懸3000呎》
