羅天宇認愛陳懿德收穫街坊祝福 聞女友被算今年結婚機會大立即嗌驚

羅天宇與蔡思貝呢日出席一個慈善義賣活動，天宇跟陳懿德近日終於認愛，二人早前被網民影到結伴睇騷，天宇話感情事一直好公開，收到唔少街坊祝福，當日只係扶一扶女友，又指心疼女友落力減肥。
myTV SUPER玄學競賽節目《玄戰》

天宇與德德拍拖以嚟，二人冇刻意避忌，彼此相處OK，拍拖幾年感情穩定。講到早前德德被《玄戰》先知算今年結婚機會大，天宇聞言即時嗌驚，話啲先知好準，自己亦係朝結婚呢個方向發展，之不過今年得番3個月咋！

天宇目前都係專注喺演唱會先，仲預告女友德德當日會做助手，唔畀女友唱歌，怕女友唱得太好，自己被比下去。同場嘅蔡思貝最近忙喺新加坡拍電影，有啲幽默諷刺怪誕題材，挑戰全英語對白演出，結束活動就要即刻飛返去。