大龍生羅樂林敬業樂業嘅態度同精神，多年來備受各界肯定，無綫集團喺今日（18日）公布「2026年下半年度傑出員工嘉許計劃」三位得獎同事，羅樂林係其中一位。
羅樂林喺1979年7月加入無綫集團，喺過去47載，佢演活不少經典角色，演技更無容置疑，不論係演古裝片嘅大俠、時裝片嘅大老闆、以及處境劇中嘅風趣搞笑角色，令觀眾印象深刻。
另外，羅樂林創下一個有趣記錄，就係2011年4月6日至7日期間，於24小時內先後「死去」五次，包括《洪武三十二》、《女拳》、《七號差館》、《布衣神相》及《皆大歡喜》，此事成為全城熱話，更登上多國報章及國際新聞，紅遍國際，成為香港電視史上嘅「都市傳奇」。
