無綫集團於9月18號公布「2026年下半年度傑出員工嘉許計劃」名單出爐，「大龍生」羅樂林係三位得獎同事之一，羅樂林收到呢個好消息，佢好開心獲得呢個殊榮。
羅樂林高興得到公司與同事嘅肯定，話只要公司覺得佢OK，就會繼續做落去，自己一定會盡力做，同時恭喜另外兩位得獎同事。
羅樂林讚公司同事個個都係傑出員工，譬如監製提出要求，大家都想盡辦法去完成，工作能力都好厲害。羅樂林效力TVB四十七年，工作態度敬業樂業，深受後輩尊敬，佢為後輩送上勉勵寄語。
《愛‧回家之開心速遞》大結局後，羅樂林話目前公司仲有合約，工作上等公司安排，羅樂林亦開始放慢步伐享受人生，閒時同朋友相聚飲吓嘢，阿女有提議去日本玩，羅樂林笑指證件過晒期，遲啲家人再安排，有時間就一家人出去旅行啦！
