早前完成人生首次個人演唱會嘅 姚焯菲 ，完成演出後已飛返紐約開學繼續大學學業。早前雖然有指Chantel只搭網約車出入而引起討論，不過Chantel就未理外界是非，專心投入留學生活。
Chantel近日又於社交平台公開最新生活情況，分享自己學習留學生必備烹飪生存技能嘅過程。片段中佢展示自己成為初級廚師嘅自學成果，親自下廚製作多道簡單菜式，好似泡菜湯、簡單青菜炒肉，以及美式鬆餅，仲有極具港式風味嘅叉燒炒蛋。下廚過程中Chantel仲不慎切傷手指，曬出手指貼上膠布嘅照片，體驗了每位廚藝新手必經的「入廚必修學分」。期間又親自試味，表現得自信又滿足。佢仲寫道話自己正處於「介於純粹即興發揮同烹飪大師之間」嘅階段。
此外，下星期二(22號)就係Chantel嘅20歲生日，正式踏入二字頭。一眾忠實歌迷「小菲象」為遙距為偶像慶祝，特別於9月19號至25號期間，於港鐵站租用多達10個燈箱廣告，投放生日應援，隔空送上滿滿愛意同祝福。
