有大美人之稱嘅 關之琳 下周將迎接64歲生日，近日更已陸續獲一眾好友預早慶祝。日前眼鏡品牌創辦人 邱子傑就再一年為「姐姐」精心準備一個有佢Q版公仔嘅蛋糕為佢慶祝，相當有心。
合照中嘅關之琳保養得宜，膚質滑溜透光、五官依然精緻，盡顯優雅高貴嘅「美魔女」風範，獲唔少網民大讚美貌多年不變，狀態極佳。
演藝世家出身嘅關之琳，1981年出道後憑絕色美貌迅速走紅，多年來曾參演無數演出，其中《黃飛鴻》系列中飾演「十三姨」一角更係深入民心，溫婉大方又帶洋氣形象令人印象深刻。
不過雖然事業順遂，但關之琳嘅感情路就相對波折。佢過往曾分別與商人王國旌同陳泰銘有過兩段婚姻，亦歷經數段戀情，無奈最終均都未能修成正果。佢曾指早已看淡感情，非常享受當下嘅單身狀態。
關之琳，如今生活過得非常瀟灑充實。身家豐厚嘅關之林近年甚少現身幕前，熱衷投資同享受生活，經常周圍飛，足跡遍布世界各地。工作之餘又不時同圈中好友聚會，展現自信、從容嘅成熟美態。