小S徐熙娣 20歲嘅大女Elly許曦文、18歲嘅二女許韶恩Lily日前攜手創立時尚新品牌MEUWSE，小S親自擔任Model拍攝開箱片兼行catwalk，力撐兩個寶貝女嘅新事業。
開箱片中Lily為媽咪送上一大盒新產品，喺外國讀書嘅Elly都有同媽咪視像連線，小S著住寫上「我女兒很漂亮」嘅黑T，戴住黑超，一見到鑲滿水鑽嘅cap帽，即刻話「我這種巨星很需要」，但之後又改口話驚自己睇上去似貨車司機，認真搞笑。
之後小S見到牛仔褲開心大叫「我最喜歡牛仔褲」，仲即刻換上新褲喺屋企行catwalk搞笑介紹自己職業係貨車司機，網友紛紛大讚「有個時尚又幽默的媽媽真好」、「有媽媽支持好幸福」等，亦有網友表示見到Elly同Lily兩姐妹攜手打拼事業，就好似見到當年嘅大小S，有一種傳承嘅感覺。
