氣氛輕鬆貼地嘅節目《試真D唷》嘅主持 江美儀 張振朗 吳業坤 同 曾展望 到學校同一眾同學仔近距離交流，其中一間仲係Owen嘅母校，美儀姐仲直指佢呢次探訪直情係衣錦還鄉呀。Owen就指會接受母校小師弟妹訪問分享喇，佢又話當年老師仲有同學都一齊見面，呢日非常開心呀。
美儀姐又笑指現場同學有一位同坤哥非常相似，仲搞笑指可以直接取代真身，坤哥可以退休嘆世界咁話。呢日佢哋仲直接試到入校園，品嚐同學仔精心製作嘅唔同美食。
節目繼續會到唔同食店挑戰，即將仲會試大王具足蟲拉麵，雖然外表非常嚇人，不過佢哋就指味道就令人眼前一亮，GM仲話美儀姐食完之後整日都心情非常好咁話。
GM同女友因為《女神配對計劃》而成為一對，而近日新一輯播出成為討論焦點，Sophie更自稱有意雪卵，呢日一提起，Owen同美儀姐就非常關心GM嘅身體狀況，議題更發展到去GM可以考慮捐精喎。
《試真D唷》星期日晚 20:00 翡翠台