「香港搖滾之父」夏韶聲（Danny）的確瓣數多，除咗對 UFO、外星文明擁有極深造詣，又係一位實力派演員、仲係一位漫畫家，呢日佢作客TVB節目《流行都市》，特登帶埋自己嘅漫畫手稿展示畀大家睇添！
夏韶聲作品非常專業，每一畫都堅持親自落筆，夏韶聲話自己唔係用電腦畫，係用最原始方法創作，夏韶聲憶起喺TVB拍長壽處境喜劇《開心華之里》嗰陣，一有空檔又唔想嘥時間，佢就用張紙畫畫，而家已經係故事內容，出到第三集，自己差唔多係一年時間先畫到一集。
夏韶聲才華洋溢，把自己漫畫故事創作成歌曲，新歌喺上個月推出，夏韶聲目前處於半退休狀態，覺得藝人每個人都有辛酸，於演藝生涯曾被冷落，但佢最難忘拍《開心華之里》，感覺好似大家庭，成日一齊食飯。
夏韶聲忙完手頭上嘅工作，就返美國探望家人，尤其係見啲孫仔孫女，自己都有兩年時間冇返去，要陪吓啲小朋友傾偈，怕大家關係陌生咗。