台灣男神 許光漢 呢日聯同馬伊琍、趙今麥、乒乓運動員 樊振東 齊齊出席活動。近日有消息指光漢即將同威尼斯影后 辛芷蕾 合作拍攝新戲，雙方影迷都好希望可以成事。
光漢雖然工作好忙，但一有空檔就鍾意周圍旅行，而作為一個型男，當然連行李篋都要型過人，光漢話行李篋代表一個人嘅性格，有時加啲小配件都可以突顯自己嘅品味。而自己鍾意嘅旅行模式係親近大自然。
而實力派演員 馬伊琍 就鍾意城市漫遊，放鬆之餘都可以尋找演繹角色嘅靈感，馬伊琍話自己特別鍾意行路，可以多欣賞身邊嘅風景。
趙今麥近年主演多部爆紅劇集，合作嘅男演員個個都係男神級，童星出身嘅佢演戲經驗豐富，無論抽離或者投入角色都有自己嘅一套方法，趙今麥話自己每做完一個角色就會俾自己放空，而接到個新角色，佢就會喺生活中做一啲貼近角色嘅嘢，幫助自己盡快投入。
